Pro S. Antoni de su Fogu si chenat a sartitza, bistocu e binu nieddu a inghìriu de su fogulone.
Pro chie cheret imparare a innestare, in su mese de martu su Comune organizat sa manifestatzione Montresta Innesta: innestadores espertos imparant s'arte a sos apassionados e, cando si finit, si pasat mandighende sos produtos tìpicos.
Dae su 27 a su 29 de abrile si festat a Santu Chistòvulu (su patronu) cun mùsica, càntigos e ballos.
Su mese de austu est dedicadu a sa rassigna Montrestate / Isula de su Teatru: artistas de fama internatzionale organizant ispetàculos e laboratòrios de teatru, mùsica e tzìnema.
Sa segunda domìniga de austu in Su Casteddu b'est sa festa manna de sos emigrados: totu sunt cumbidados a mandigare peta a buddu e bistocu de Montresta.
Sa de tres domìnigas de cabudanni si torrat a festare a S. Antoni cun mùsica, càntigos e ballos in carrera.
